Policia ka zbardhur plagosjen me armë që ndodhi mbrëmjen e djeshme në Korçë, si dhe ka shpallur në kërkim dy shtetas. Ata janë M.D, 39 vjeç, dhe S.D, 59 vjeç, të dy banues në Korçë. Këta dy persona akuzohen për plagosjen e 39-vjeçarit Mina Zoja. Ngjarja ndodhir tek një lokal në aksin rrugor Korçë- Ersekë, për motive të dobëta.
Pas marrjes së ndihmës mjekësore në Spitalin e Korçës, i plagosuri është dërguar për ndihmë të specializuar në Tiranë ku ndodhet jashtë rrezikut për jetën. Nga ana e Policisë është sekuestruar mjeti të cilin kanë përdorur autorët e dyshuar të ngjarjes. Fugoni është gjetur në dalje të Korçës.
Materialet për rastin në ngarkim të dy personave në kërkim i kaluan Prokurorisë të Rrethit Gjyqësor Korçë për veprat penale: “Vrasja me dashje” mbetur në tentativë kryer në bashkëpunim si edhe “Prodhimi dhe mbajtja pa leje e armëve luftarake dhe e municionit”.
