Khloe Kardashian dhe i dashuri Tristan, më në fund konfirmojnë se janë në pritje të fëmijës së tyre të parë.
Në postimet respektive në faqet e tyre në Instagram, ata kanë ndarë një foto nga shtatzania, ku Tristan ka vendosur duart mbi barkun e fryrë të Khloe, si dhe lumturinë që po përjetojnë gjatë kësaj eksperience kaq përmbushëse. "Kisha kohë që e prisja por Zoti kishte një plan" ka shkruar 33 vjeçarja. Ky do të jetë fëmija i parë për Khloe dhe i dyti për Tristan, pas djalit që basketbollisti 26 vjeçar ka me ish të dashurën, Jordan Craig. Çifti kishte kohë që përflitej se po prisnin një fëmijë, por Khloe ka sqaruar se donin ta mbanin lajmin privat për aq kohë sa mundeshin.
