Eva Longoria e ka konfirmuar tashmë se është katër muajshe shtatzënë dhe pret të sjelli në jetë djalë. Deri sot nuk kishte një foto të aktores në të cilën dukej që ishte shtatëzënë, ndërkohë që tashmë paparacët kanë arritur ta fotografojnë gjatë pushimeve familjare në Florida. Ish- aktorja e serialit “Shtëpiake të Dëshpëruara”, është fotografuar në ballkonin e hotelit ku janë duke pushuar në Florida, ku ishte duke ngrënë mëngjes me partnerin e saj. Bukuroshja duket se është duke kaluar një periudhë të gëzuar në jetën e saj pas lajmit që do të bëhej nënë. Ndërkohë çifti vazhdon të jetë i dashuruar me njëri- tjetrin dhe lajmi për fëmijën duket se e ka forcuar marrëdhënien e tyre. Eva është për herë të parë shtatëzënë, pasi aktoria nuk ka dashur të kishte fëmijë më parë, por mesa duket njohja me partnerin e saj i cili është babai i tre fëmijëve i ka ndryshuar mendjen aktores.
