Një 40-vjeçar shqiptar u arrestua nga policia italiane sot në Castello pasi kishte rrahur keq gruan e tij. Ajo iu nënshtrua një operacioni në spital. Teksa shqitpari L.A. po merret në pyetje nga policia, bashkëshortja e tij ka rrëfyer për policinë kalvarin e dhunës nga i arrestuari.
Ajo është shprehur se i shoqi ai e ka shfaqur anën e tij të dhunshme shumë herët, që nga nisja e bashkëjetesës.
Një nga rastet flagrante, sipas saj, ka qenë kur ajo guxoi të fliste me meshkuj të tjerë. Burri e masakroi aq keq, sa ajo qëndroi për 40 ditë e shtruar në spital.
Por ajo e fali. Ai nuk hoqi dorë dhe vazhdoi sërish avazin. Së fundi e bëri prapë për spital, por këtë herë duke e kërcënuar se do ta zhdukte fare, do ta vriste.
