Një nga vendet e cila ka pasur shumë largime si azilkërkues ka qenë Shqipëria, por edhe shkalla e refuzimit ka qenë e lartë. Irlanda ka qenë vendi që ka refuzuar më shumë kërkesa për azilkërkuesit.
Të refuzuarit nga Irlanda për 2016-n ishin brazilianët, shqiptarët, amerikanët dhe shtetas të Afrikës së Jugut, sipas statistikave të lëshuara nga Departamenti i Drejtësisë. Rreth 483 brazilianë, 408 shqiptarë, 239 shtetas të Shteteve të Bashkuara, 231 të Afrikës së Jugut dhe 132 qytetarë pakistanezë ju refuzua azili në Irlandë vitin e kaluar.
Po ashtu dhe në vitin 2015, 351 brazilianë, 338 shqiptarë, 252 afrikanë të jugut, 166 shtetas të Shteteve të Bashkuara, 127 pakistanezë dhe 123 nigerianë ju është mohuar hyrja në portet irlandeze dhe në det. Rreth 118 kinezë, 96 afganë, 70 zimbabve, 68 ukrainas dhe 52 sirianë u refuzuan gjithashtu.
