Balerina e njohur italo shqiptare Anbeta Toromani do të kthehet në Tiranë këtë herë si pjesë e jurisë së spektaklit "Virtuozët" që do të drejtohet nga Inva Mula. 11 shkurti është data zyrtare kur në Tv Klan do të nisë transmetimin, një format tjetër i ri, i cili do të ketë personazhe fëmijë dhe të rinj të talentuar të muzikës klasike. Siç ka mësuar Blitz.al, Anbeta do të jetë pjesë e jurisë së këtij spektakli, meqenëse shumë fëmijë do të konkurrojnë edhe në zhanrin e baletit. Anbetën, të gjithë e kanë ndjekur në “Amici” si balerinë profesioniste. Përpara se të shkonte në Itali ajo ka qenë pjesë e TV Klan. Përveç Anbetës, në juri do të jetë edhe kompozitori i njohur David Tukiçi.
