Cështja e shoqatave fantazmë që do të votojnë në zgjedhjet për Presidentin e FSHF-së vazhdon të shkaktojë debate, teksa po i afrohemi 7 shkurtit. Kandidati rival i Dukes, deputeti Bashkim Fino, thotë se PD po i bën presion Gjykatës së Tiranës që të regjistrojë sa më shpejt këto shoqata. Ja cfarë shkruan ai në faqen e tij në Facebook.
Jam i shqetësuar nga informacionet që më vijnë së fundmi, që nga Partia Demokratike dhe kreu i saj ka pasur presion te Gjykata e Rrethit Gjyqësor Tiranë, për të ndikuar te gjyqtarët mbi regjistrimin sa më të shpejtë të Shoqatave të futbollit, të cilat kanë votuar dhe janë anëtarësuar në mënyrë ilegale në Federatën Shqiptare të Futbollit. I kërkoj publikisht si Partive Politike, ashtu edhe organeve gjyqësore, që të jenë sa më të pavarur dhe të qëndrojnë larg përfshirjes në abuzimet ilegale të Federatës Shqiptare të Futbollit.
