Kryeministri Edi Rama ka zhvilluar një mbledhje pa praninë e mediave me grupin parlamentar të PS. Mësohet se si problem kryesor, Rama ka parashtruar punësimin. Kreu i qeverisë u kërkoi deputetëve të jenë të kujdesshëm dhe njërëzit që përzgjedhin të jenë të punës.
Sipas kryeministrit deputetët duhet të përfshihen në aksionet e qeverisë për titujt e pronësisë dhe aksionin e ujit. Deputetëve u është kërkuar të jenë aktivë në zonat ku janë zgjedhur për përmirësimin e shërbimeve publike nga zyrat shtetërore. Gjithashtu, mësohet se të enjten do të votohet në seance plenare edhe lista e parë me kandidatët jo gjyqtarë e jo prokurorë të këshillit të lartë gjyqësor dhe këshillit të lartë të prokurorisë.
