Zayn është fotografuar nga paparacët teksa largohej nga apartamenti i të dashurës së tij Gigi Hadid. Ajo çfarë menjëherë ka rënë në sy është modeli i tij i ri i flokëve që mesa duket nuk është pritur edhe aq mirë nga fansat e tij. Si gjithmonë ‘zhurma’ nisi në Twitter pasi ky rrjet social është shndërruar në burimin më të fundit të thashethemeve ku kushdo e kurdo shpreh mendimin e tij mbi gjithçka. Sigurisht që as Zayn nuk i ka shpëtuar kritikave e komenteve të njerëzve.
Një pjesë e mirë e tyre nuk e kanë aprovuar këtë model të ri flokësh duke u shprehur se kushdo që ja ka prerë duhet t’i vijë turp nga vetja. Disa të tjerë janë shprehur se kjo është një ndër pamjet më të shëmtuara të tij ndërkohë që një pjesë tjetër krahas kërpudhës e kanë krahasuar këtë prerje flokësh me formën e një tasi.
