Ditën e sotme në një dalje për mediat, deputetët e PD-së, Oerd Bylykbashi dhe Gazmend Bardhi, kanë theksuar rëndësinë e një procesi të pastër, në mënyrë që të mos kapet drejtësia. Sipas tyre, procesi i djeshëm për KLGJ dhe KLP ka treguar se deri më tani ka qenë një proces i korruptuar. Bylykbashi tha se “moskapja e sistemit të drejtësisë është me rëndësi për shqiptarët”. Po ashtu ai shtoi se kandidaturat janë në kundërshtim me ligjet dhe procedurat, si dhe janë të kontrolluar nga Rama.
“Kandidatura në KLGJ/KLP me afilacion të pastër politik, në shumicën e tyre janë në kundërshtim me kriteret e Kushtetutës dhe ligjit, disa janë të skualifikuar nga ONM. PD nuk kishte dyshim se 10 emrat jo vetëm do te ishin të afërt me kryeministrin Rama, por me probleme të renda me ligjin dhe Kushtetutën, rrjeshimisht e papranueshme. Procesi është i delegjitimuar dhe parlamenti nuk mund të miratojë këtë listë të deligjitimuar. Shkeljet ligjore dhe kushtetuese për kriteret e kandidatëve e bëjnë listën të pavlefshme.”, - tha Bylykbashi.
