Mëngjesin e sotëm akademia e filmit publikoi listën e të nominuarëve për ndarjet e çmimeve të ceremonisë “Oscar” dhe emri i Angelina Jolie nuk figuronte në asnjë kategori. Projekti i saj “First They Killed My Father” ishte i nominuar në “Golden Globes” dhe fansat shpresonin që do të vlerësohej edhe me një “Oscar”. Kjo dramë Kamboxhiane nuk u vlerësua nga kritikët e akademisë dhe për këtë arsye fansat e aktores së famshme janë irrituar. Edhe aktorë të tjerë të mëdhenj si Michelle Williams në filmin “All The Money In The World” apo James Franco me “The Disaster Artist” nuk kanë marrë asnjë nominim në ceremoninë e këtij viti megjithëse shkëlqyen në evente të tjera.
