Pas tre ditësh nga atentati ndaj Devi Kasmit para shtëpisë së tij në kryeqytet, policia e Tiranës ka arrestuar ekzekutorin e 42-vjeçarit, si dhe është vënë në kërkim të organizatorëve të kësaj vrasjeje. Ekzekutori është një shtetas grek, Efthymiou Efthymious, 41 vjeç, lindur e banues Arta, ish-punonjës i forcave speciale në Greqi.
“Shtetasi grek është vetëdeklaruar si ish-punonjës i forcave speciale të policisë greke nga viti 1992 deri në vitin 2012, kohë në të cilën ai është përjashtuar nga kjo strukturë, per faktin sepse është konstatuar si trafikant i lëndëve narkotike”, – deklaroi Ardi Veliu, drejtor i Policisë së Tiranës.
Në momentin e arrestimit, shtetasit iu gjetën me vete një sasi e konsiderueshme eurosh dhe parash shqiptare, që dyshohet se i ka përfituar si shpërblim për vrasjen. Ndërkohë porositësi dhe organizatori i vrasjes, dyshohet të jetë (Altin) Aurel Hoxhallari, i cili është shpallur në kërkim nga policia. Shtetasi Elton Halipaj ka siguruar mjetet e nevojshme për kryerjen e krimit.
Shtetasi Malvin Dinellari ka siguruar mjetet dhe përgatitur infrastrukturën për realizimin e vrasjes.
Shtetasi Elton Hoxhallari dyshohet si bashkëpuntor në sigurimin e mjeteve dhe përgatitjen e infrastrukturës për realizimin e vrasjes.
Aurel Hoxhallari është një emër i njohur për policinë, pasi është arrestuar edhe më 10 Janar të vitit 2015 së bashku me kushëririn e tij Amarildo Hoxhallari, si porositës të dyshuar për atentatin ndaj Pajtim Serjanit, ngjarje e ndodhur më 5 Janar 2015 në “Rrugën e Kavajës” në Tiranë. Por, më 1 Shkurt 2015 Gjykata e Krimeve të Rënda i la ata të lirë për mungesë provash.
"Gjatë këtij operacioni të mirë-organizuar janë ushtruar kontrolle në disa banesa të autorëve të dyshuar si dhe në një vilë të ndodhur në periferi të Tiranës, në pronësi të organizatorit të këtij grupi, e cila shërbente si bazë e grupit. Si rezultat i kontrolleve të kryera në këtë vilë është gjetur një arsenal armësh, municionesh, eksplozivësh, raketa hedhës, armë të precizionit të lartë, minë me telekomandë, dylbi, radio ndërlidhje (si ato të policisë), të cilat funksiononin në grup, maska, veshje kamoflazhi, etj", sqaroi drejtori i policisë Tiranë përmes një deklarate për mediat.
Tre ditë para atentatit Devi Kasmi kishte dyshuar se po ndiqej nga një person. Madje ka debatuar me një shtetas të huaj për këtë fakt. Ky fakt i ka dhënë një tjetër pistë policisë, duke shkuar kështu drejt zbardhjes së ngjarjes dhe kapjes së ekzekutorit. Mësohet se 41-vjeçari grek ka hyrë në Shqipëri pak ditë më parë dhe menjëherë është vënë në ndjekje të Kasmit, për të cilin dyshohet se ka marrë para për ta vrarë. Ai e ka ndjekur Kasmin për ditë me radhë, derisa 72 orë më parë e ekzekutoi me 5 plumba. Më poshtë foto të ekzekutorit grek të Devi Kasmit.
©LAPSI.al
[caption id="" align="alignnone" width="720"]
Ish-polici special grek Efthymiou Efthymious[/caption]
[caption id="" align="alignnone" width="957"]
Ish-polici special grek Efthymiou Efthymious[/caption]
[caption id="" align="alignnone" width="635"]
Vila ne periferi te Tiranes qe perdorej nga grupi kriminal. Policia gjeti aty nje arsenal armesh.[/caption]
