“Eagles” nga Filadelfia triumfuan në edicionin e 52-të të “Super Bowl” duke mposhtur “New England Patriots” të Boston me rezultatin 41 - 33. Është hera e parë që “Eagles” fitojnë trofeun përballë 6 herë fituesve të “Patriots”. Skuadra nga Filadelfia ishte në avantazh për të gjithtë takimin, por pati drithërima në momentet e fundit kur “Patriots” të udhëhequr nga ylli absolut i futbollit amerikan Tom Brady ia doli të kalojë skuadrën momentalisht në avantazh në rezultatin 33 - 32.
https://www.youtube.com/watch?v=nIiWpIa1t0Y
Por “Eagles” të udhëhequr nga një “quarterback” si Nick Foles nuk u dorëzuan dhe në më pak se 2 minuta u rikthyen në avantazh me një realizim spektakolar. Ndeshja u vendos përfundimisht në përballjet e fundit ku Tom Brady humbi topin duke minimizuar çdo mundësi që “Patriots” të rikuperonin. Ndeshja u mbyll 41-33 dhe Foles u zgjodh lojtari më i mirë i ndeshjes.
Spektakli
Hapja e spektaklit iu besua Pink e cila këndoi edhe himnin amerikan.
https://www.youtube.com/watch?v=Jg6jSH_ZRQM
Ishte Justin Timberlake ai që performoi në pushimin e pjesës së parë. Performanca e tij pritej me interes pas asaj që ndodhi 14 vjet më parë kur ai i zbuloi gjoksin në skenë Janet Jackson. Ishte një gjest që u kritikua pa masë, por këtë herë nuk pati skandale.
https://www.youtube.com/watch?v=CeVkKoSgkTg
Timberlake i bëri një homazh figurës së Princë i ndarë nga jeta vitin e kaluar duke kënduar “I Would Die For You” ndërsa një pjesë e skenës u ngjyros me rozë bashkë me simbolin e artistit të ndjerë. Timberlake performoi hitet e tij “Filthy”, “SexyBack” dhe “Cry Me A River”.
https://www.youtube.com/watch?v=XS5UpIZvkPU
Nuk munguan në Twitter edhe thumbimet se skenës i mungonte Janet Jackson. Kjo e fundit reagoi duke shkruar: “Për të hequr çdo spekulim dhe thashetheme po ju sqaroj se unë nuk do të jem pjesë e Super Bowl. Faleminderit për mbështetjen”.
Rekordet
Ashtu siç pritej edhe kjo sfidë mbërtheu para ekranit miliona amerikanë. Për herë të parë në 30 vjet, gjatë zhvillimit të kësaj finale, Trupat ushtarake amerikane Marins transmetuan në internet një spot me synimin për të rekrutuar të rinj e të reja që kanë përballuar e fituar sfida gjatë jetës së tyre dhe që kanë aplikuar sporte si mundja apo Rugby. Super Bowl, ngjarja më e madhe sportive në SHBA, u transmetua nga rrjeti NBC. Një reklamë prej 30 sekondash i gjatë kësaj ndeshjeje kushtonte 7.7 milionë dollarë. ©përgatiti LAPSI.al
