Vetëm në Shqipëri ndodh që televizionet të bëhen zëdhënës më të flaktë, sesa vetë personazhet politikë. Sot rrëzimi i tavanit të një shkolle "Osman Myderizi", dhe plagosja e lehtë e një mësueseje matematike, kishte vënë nën akuzë kryebashkiakun, i cili kishte shpallur në gusht të 2016, rikonstruksionin e kësaj shkolle (Shiko lajmin poshte).
Por i trembur se mos një gjë e tillë cënonte famën e kryebashiakut të palodhur, Top Channel ka nxituar në lajmet e drekës të theksojë, se punimet e fundit ishin bërë në vitin 2004, ndërkohë që tashmë Erion Veliaj e ka me deklaratë personale se punimet ishin bërë kur ai ishte kryebashkiak.
Po të shikohet me vëmendje intervista që zv/drejtoresha e shkollës i ka dhënë mediave ajo pohon se po, rikonstruktimi i plotë i shkollës është bërë në vitin 2004 (shiko intervistën video poshtë) ndërsa më pas ka pasur edhe rikonstruksione të mëvonshme të tavaneve. Televizione te tjera informative dhanë lajmin se ndërmarrja Nr 3 e Bashkisë e ka rikonstruktuar shkollën në gusht të 2016.
A mos janë këto të fundit, të cilave iu referohej Veliaj kur shkruante për ndërhyrje tek shkolla Osman Myterizi? Pikëpyetja mbetet.
Gjithësesi lajmet e Top Channel nuk kanë pasur dyshim për këtë. Ato, që në titujt kryesorë, e kanë pastruar Veliajn duke u përpjekur të davarisin zhurmën, që me sa duket e cënonte imazhin e kryebashkiakut të pagabueshëm.
©Lapsi.al
https://www.youtube.com/watch?v=lHNibLXF6fI
