Shumëkush nga atë që e kanë parë këto ditë shpërthimin e aktorit Bujar Asqeriu, që mallkonte dhe shfrynte dufin ndaj politikanëve, mund ta ketë harruar se mes roleve të tij të shumta është edhe një film i kohës së komunizmit ku glorifikohej roli i atentatorit Avni Rustemi dhe vrasja prej tij e Esat Pashës në qershor 1920 në Paris.
Fabula e Esat Pashës është rimarrë edhe ditët e fundit në politikën shqiptare, kur kryetarja e LSI, Monika Kryemadhi (video poshtë) e kërcënoi Edi Ramën se shqiptarët dinë t’i zgjidhin punët edhe në mënyrën e Avni Rustemit.
Dhe si për koinçidencë me këtë debat, ditët e fundit është kthyer në vëmendjen e publikut edhe aktori që ka luajtur rolin e heroit të mitizuar nga të gjithë idhtarët e përdorimit të medotave të dhunshme kundër politikanëve që punojnë kundër interesit të shqiptarëve.
Por, Bujar Asqeriu, ndryshe nga sa bën personazhi i interpretuar prej tij në filmin “Një emër midis njerëzve” (shiko montazhin poshtë) në fjalimin e tij patetik nuk ka përdorur koburen, por verbin ndaj politikanëve shqiptarë. Ai i ka mallkuar ata që mendojnë vetëm për vilat e tyre milionëshe dhe ka uruar që zoti t'i dënojë deri tek fëmijët.
Eshtë vështirë të kuptohet se kush është figurë më e dhunshme, Avniu i filmit, apo Bujari real, por një gjë është e sigurtë.
Fjalimi i aktorit është bërë viral dhe ka marrë klikime të pafundme në rrjet.
©Lapsi.al
https://youtu.be/fp2JQ8A9lhM
