Ditën e djeshme një poster më figurën e Rita Orës, Dua Lipës dhe Majlinda Kelmendit me sloganin "Bac, çikat na e zbardhën ftyrën" ka shkaktuar jo pak polemika.
E para e indinjuar ishte nëna e motrave Istrefi e cila u shpreh se edhe Era duhet të ishte në mesin e tyre. Ditën e sotme vetë Era ka patur një koment lidhur me këtë ngjarje. Nëpërmjet një fotoje të publikuar në "InstaStory" ajo shprehet se suporti duhet jo vetëm në sukses por edhe në ditë të vështirë. Duke vijuar më tej ajo ka postuar një foto tjetër me mbishkrimin "Bac, gjuha shqipe po dëgjohet nëpër botë". Në mbështetje të këngëtares ka qënë dhe Labinot Tahiri i cili thekson se Era arriti të dëgjohet edhe në nacionalitetet e huaja anembanë botës.
