Kastro Zizo ka vendosur që me natyrën e tij provokuese, të “ndezë” një debat në rrjete sociale.
Në një postim në Instastory, Kastro shkruan: “Ore, më hiqni një kuriozitet, sa këngëtarë të Shqipërisë ishin të ftuar në Kosovë ose diasporë ku ka shqiptarë të Kosovës?! Për 10-vjetorin flas, se ne këtej kemi filluar të flasim gegërisht edhe në Tepelenë! Meqë e kemi fiksim këtë “bashkimin Kombëtar”- ka përfunduar Kastro, duke aluduar se për 10-vjetorin e Pavarësisë së Kosovës ka pasur shumë pak këngëtarë nga Shqipëria të ftuar në koncertet që janë mbajtur për këtë rast.
Mesa duket Kastro nuk i referohet vetëm koncertit të madh të mbajtur në sheshin e Prishtinës ku performoi Ledri Vula dhe Rita Ora, por edhe koncerteve që janë mbajtur në club-e të ndryshme si në Kosovë ashtu edhe në vende të tjera të botës ku ka shumë shqiptarë.
