Të paktë ishin ata që dinin diçka për raportin jomiqësor mes dy këngëtareve me origjinë shqiptare dhe me famë botërore. Fakti që të dyja vinin nga i njëjti vend dhe ishin rritur po në të njëjtin ambient, kishte krijuar përshtypjen se midis Rita Orës dhe Dua Lipës, duhej të kishte një miqësi të fortë.
Familjet e tyre njiheshin, Dua, më e vogël se Rita, kishte afërsi me motrën e kësaj të fundit dhe në Londër ishin pjesë e një rrethi shoqëror të përbashkët të prishtinasve të suksesshëm në Britani.
Njerëzit pranë tyre tregojnë se Dua, në fillimet e karrierës së saj, ka kërkuar mbështetjen e Ritës, e cila tashmë kishte arritur famën ndërkombëtare. Por impenjimet apo mosdëshira e Ritës, nuk e bëri të mundur diçka të tillë. Dua ia doli të ngjitet në skenën botërore, dhe që atëherë duket se në raport me patrioten e saj është më shumë në një sfidë se sa në një miqësi, që në kushte normale do të duhej të ekzistonte mes tyre.
Në programin e TV Klan, "Jo vetëm modë", gazetari Eni Shehu ka ndërtuar, tre muaj më parë, historinë e këtij raporti të vështirë mes dy yjeve të muzikës botërore.
Më poshtë reportazhi i Eni Shehut:
[embed]https://www.youtube.com/watch?v=Ix3Jrl1ZTvs&feature=youtu.be&app=desktop[/embed]
