Ajo së fundmi hyri në histori si reperja e parë femër, që brenda një viti u bë pjesë e “Billboard Top 100” me 3 këngë në 10-shen më të mirë.
Për të festuar këtë arritje Cardi B është bërë pjesë e numrit më të ri të revistës “Neë York Times”, e veshur me një fustan të kuq.
Gjithashtu, kover-in e kësaj reviste Cardi B e ka publikuar në rrjetin social Instagram në diçiturën e së cilës ka shkruar se jeta e saj ka qenë krejtësisht e çmendur.
25-vjeçarja ka treguar edhe më parë se ka punuar si striptiste për të fituar të ardhura për veten dhe mamanë e saj. Gjatë një interviste të dhënë pak ditë më parë, reperja e famshme tha se kur mamaja e saj mësoi për këtë punë e shtyu nga shkallët, pasi Cardi ia kishte mbajtur të fshehtë për një kohë të gjatë.
“Kam qenë shumë lloje femrash! Një prostitutë, një vajzë kolegji, një vajzë që punonte 9 me 5, një striptiste, repere dhe gjithashtu vajza e mbarë e mamasë”.
Arsyeja përse këngëtarja ka zbuluar kaq shumë për veten është për shkak se dëshiron të përçojë mesazh sensibilizues për të gjitha femrat.
Ajo ka dashur të theksojë se, vajzat nuk duhet ta humbin kurajën, ato duhet të besojnë tek vetja dhe tek forca e tyre në mënyrë që arrijnë atë çfarë duan
