Monologu i fundit i Mustafa Nanos në emisionin e tij “Provokacija” në “ABC News”, ku për të shigjetuar fenomenin e zhveshjes, Nano mori si modele dy vajza të ekranit, moderatoret e “Supersport”, Bora Zemanin dhe Ilda Bejlerin.
“Mendoj që është diçka personale, që një njeri e ka të qëllimshme”, ishte reagimi pas kësaj i Ildës për Nanon, ndërsa Bora preferoi t’i përgjigjej me një foto ku u shfaq me veshje serioze.
Gazetari dhe analisti, i kthen përgjigje Rudina Xhungës, në një intervistë për Panorama, ndërsa parashikon fatin e mëtejshëm të personazheve të njohura, që janë pjesë e gjithë këtij revolucioni seksual të kohëve moderne.
“Më ngacmoi shkrimi i Rudina Xhungës. Nuk jam dakord me idetë e saj, por shkrimi nuk më la indiferent. Dhe prandaj e kam ftuar të martën në “Provokacija”, ku do të flasim mbi këtë argument. Mund të na ndiqni atje. Por po ju them qysh tani se mua më duket vetja më feminist se shumë feministe.” – tha Nano.
