Historiani Kastriot Dervishi ka publikuar disa fakte të reja rreth disa ekzekutimeve në kohën e sistemit komunist.
Ai thotë se në vitet 1946-1948 në Shqipëri janë zhvilluar disa procese politike kundër disa intelektualëve që ishin pro-amerikanë (shtresa natyrale e të djathtëve të vendit) ose ishin pjesë e antifashistëve të cilët ushtria amerikane i liroi nga kampet e fashizmit në Itali në shtator-tetor 1948.
"Pas shumë vitesh kërkimi, kam mundur të evidentoj gjithë personat e përfshira në këto procese të egra politike. Gati të gjithë të arrestuarit u mbajtën 2 vjet të izoluar në hetuesi dhe u torturuan në mënyra çnjerëzore. Në 70-vjetorin e ekzekutimi të nëpunësve Sinan Gjoni e Spiro Ruços dhe gazetarit Kolë Berisha, por postoj fotografitë e hetuesisë së dy prej tyre (tjetri nuk ka foto hetuesie). Në foto Kolë Berisha (majtas) dhe Spiro Ruço (djathtas) pas gati 2 vjetësh izolim e tortura në hetuesinë komuniste" - shkruan Dervishi. ©LAPSI.al
