Fotografitë ekskluzive të publikuara në prestigjiozen britanike dailymail.co.uk, konfirmuan zërat që qarkullonin deri dje. Më në fund, ato flasin qartë dhe pastër. Vajza e të ndjerit Michael Jackson, është në një lidhje dashurie me një tjetër vajzë, po kaq të famshme se ajo.
Bëhet fjalë për modelen e njohur Cara Delevingne, ku të dyja ato shfaqen duke shkëmbyer puthje të nxehta dhe përqafime me njëra-tjetrën. Media e huaja shkruajnë se Paris dhe Cara kanë shkuar përtej miqësisë së tyre që lindi vitin e shkuar gjatë ndarjes së çmimeve MTV Awards.
Vajza e mbretit të popit botëror, i dha fund thashethemeve në adresë së saj, duke dalë haptazi me të dashurën e saj, në rrugët e Londrës. Kjo gjë nuk i ka shpëtuar syrit të hollë të paparacëve të huaj, të cilët menjëherë i kanë qarkulluar fotot në të gjitha mediat e huaja.
