Tyra Banks është një prej modeleve më të simpatike dhe më unike të gjitha kohëve. Ajo u komentua më së shumti për bukurinë e saj gjatë kohës që ishte pjesë e kastit të jurisë në emisionin e modës më të madh në SHBA, “America Next Topmodel”.
Linjat e saj, ngjyra e lëkurës dhe sytë krijojnë një imazh perfekt të një femre unike dhe si e tillë ajo është një prej personazheve më të komentuar në mediat amerikane e jo vetëm. Flitet se bukuria e saj është rezultat i kirurgjisë plastike dhe implanteve, por ajo i ka mohuar të gjitha këto dhe për të provuar vërtetësinë e saj ajo doli para publikut dhe rrëfeu gjithë të vërtetën.
“Është e vërtet, unë kam ndërhyrje kirurgjikale, por vetëm në fytyrë. Hunda ime është kaq perfekte në saj të operacioneve. Më parë ishte shumë e madhe dhe pa formë, nuk më pëlqente aspak, ndaj vendosa të kryeja ndërhyrje, por vetëm kaq. Hunda ime dhe flokët janë të vetmet gjëra që nuk i kam të miat, pjesa tjetër është në saj të gjeneve që kam të trashëguara” .
Ajo mbetet një ikonë e bukurisë edhe pas thashethemeve dhe pas gjithë këtyre perfeksioneve që shohim përditë, duhet pranuar se edhe gjenet janë një faktor pozitiv.
