Është vetëm 20 vjeç por falë talentit ka arritur të "rrëmbej" shumë fansa në të gjithë botën. Bëhet fjalë për Arilena Arën e cila shënoi suksesin e saj me "Nëntorin". Pas disa hiteve këngëtarja vjen në bashkëpunim me KDDK me "Last Train to Paris".Për momentin po transmetohet vetëm në stacione radiofonike por kjo nuk e ka ndaluar atë të renditet e 8-ta në listën TOP 10 të Radio Energy në Bullgari, vendi ku u publikua për herë të parë.Ajo që na bie në sy është se në këtë listë Arilena është kokë më kokë me këngëtaren Dua Lipa e cila renditet e 6-a. Mesa duket Bullgaria është apasionuar shumë pas kësaj kënge. Nëse do të hulumtonim listën e kërkimeve më të mëdha ne portalin muzikor Shazam do të shihnim se Arilena renditet e 7-a. “Last trani to Paris” mban vulën e Universal Music dhe është një këngë e cila tregon historinë e dashurisë midis një vazje pariziene dhe një djaloshi nga Siria. Arilena dhe ekipi i saj po punojnë edhe për klipin shoqërues të këngës i cili do të publikohet brënda muajit prill. Mungesa e klipit nuk ka ndalur fansat së shpërndari video në YouTube.
