Dhuna në rrugën e kombit dhe akti i mosbindjes civile, i ndërrmarë nga opozita, janë shkalla e fundit e cila mund të pasohet dhe nga një revoltë e madhe popullore, ashtu siç ndodhi në vitin 1997. "Nëse ato nuk dëgjohen ato mund të përshkallëzohen një një revotlë si pranvera arabe e Tunizisë pak vite më parë, apo si ajo që ndodhi në Shqipëri në 1997" ka thënë Fatos Lubonja, në një intervistë për rubrikën "Opinion" në News24.
Megjithëse mbetet idhtar i teorisë se nëse populli ngrihet i gjithi në këmbë dhuna mund të shmanget Lubonja ka shtuar: "Kjo revoltë duhet të jetë e të gjithëve, jo për të sjellë në pushtet Lulzim Bashën, por "për të shpëtuar fëmijët tanë"
Ai tha se “Rama bëri tërheqje taktike për taksën në Rrugën e Kombit për shkak të dhunës që u krijua dhe frikës, por jo si pasojë e reflektimit. Është e gjithë struktura e qeverisjes së tij që nuk bëjnë gjë tjetër veçse bëjnë plane për të gënjyer dhe mashtruar shqiptarët”- tha Lubonja. Megjithëatë sipas Lubonjës ngjarjet e fundit nuk e rrezikojnë pushtetin e kryeministrit i cili është programuar të vazhdojë me të njëjtat metoda dhe prandaj rrezikon të sjellë një katrahurë. Por megjithatë "ekzistenca e çdo opozite sado e vogël apo e dobët të jetë ajo, është më mirë se të mos jetë fare" tha analisti, i cili parashikon vetëm dy rrugë, ose një bashkimtë madh të protestës të të gjithë shqiptarëve, ose eskalim në mjetet e dhunës.
©Lapsi.al
Lexo më tej:
Pse dhuna është e vetmja rrugë
