Kanye West vazhdon të na mahnisë me pasionet e tij, të cilat mundohet gjithmonë t’i vejë në jetë. Prej vitesh njihet si reperi me krijimet më të bukura në muzikë, pastaj u bë i njohur në koleksionet e veçanta të veshjeve, duke u bërë kështu pjesë e pandarë e modës.
Si bashkëshorti i një prej personazheve më të përfshirë në rrjetet sociale dhe lajmeve rozë, siç është Kim Kardashian, ai ka preferuar gjithmonë të qëndroj larg tyre, por në fund edhe ai u dorëzua mesa duket. Pak ditë më parë, ai hapi llogarinë e tij të parë në Twitter duke u bërë kështu personazhi me ndikimin më të madh e ndoshta duke sjell fitime të mëdha edhe për vetë Twitter-in.
Postimet e tij të para në profilin e tij morën klikime të shumta, po ashtu edhe komente të natyrave të ndryshme. Nuk kaloi shumë kohë dhe Kanye dha lajmin e mirë për të gjtihë fansat e tij. Ai do i përkushtohet letërsisë, e do të shkruaj një libër filozofik në faqen e mediave sociale në kohë reale. “Asnjë botues apo publicist nuk do të më tregojë se çfarë të vendosë, ku dhe sa faqe duhet të shkruaj. Kjo nuk është një pamundësi financiare, kjo është nevoja e lindur personale, e cila dua të jetë më tepër ekspresive. Unë do të punoj në këtë 'libër' kur ta ndiej dhe kur unë të dua", u shpreh ai me një postim në profilin e tij.
Fansat e tij e kanë pritur shumë mirë lajmin dhe në komente dukeshin tepër të emocionuar. Cilësuar si një nga sfidat e tij më të mëdha që padyshim do e kaloj me sukses, duke dhënë mësime dhe mesazhe të dobishme për secilin nga ne.
