Në fund kalon gjithmonë Real Madrid. Ekipi i Zidane vuan çmendurisht, mbrohet me dhëmbë, përfundon i rrethuar, ulur, i frikësuar dhe nuk bën ndonjë lojë të madhe. Por gjithsesi arrin në finalen e tretë radhazi të Champions League, e katërta në 5 vjet.
Në Kiev më 26 maj do të përpiqen për të marrin në duart e tyre në Championsin e 13-ë, e treta radhazi, diçka që nuk shihej që nga viti 1976, kur bënte një tripletë Bayern i Beckenbauer. Zidane vazhdon serinë e tij të pacenuar: Në Ligën e Kampionëve nuk është eliminuar kurrë si trajner.
Bayern këtë të martë barazoi 2-2 në Bernabeu pa mundur dot të bëjë përmbysjen e rezultatit 2-1 të ndeshjes së parë në Mynih javën e kaluar. Një ndeshje e çmendur përsa u përket rasteve, golave, gabimeve, tensionit, patosit dhe tensionit.
Lexo edhe: VIDEO/ Gafë e rëndë e portierit të Bayern, Real kalon në avantazh
Njëlloj si një vit më parë. Tifozët gjermanë kanë sërish arsye të justifikohen pasi arbitri nuk akordoi 2 penallti të dukshme në favor të Bayern. Në dy sfida pati 7 gola dhe nuk arriti të shënojë asnjëri prej Ronaldo dhe Lewandowski.
Heronjtë e “los blancos” quhen Karim Benzema, njeriu që pëlqen të fishkëllehet dhe urrehet në Bernabeu dhe Keylor Navas, portieri që madrilenët duan ta largojnë pas 2 vitesh. Dy gola për francezin dhe një seri pritjesh për portierin, ku njëra e goditur nga Lewandowski ishte absolutisht e mrekullueshme.
Lexo edhe: VIDEO/ A iu mohuan 2 penallti Bayern Munchen nga arbitri?
Bayern mund të qajë gabimet e Tolisso dhe Ulreich që i dhuroi avantazhin Madrid. Heynckes largohet sërish nga Champions pasi në 2013-ën arriti tripletën, por këtë herë duhet të kënaqet me një “double”.
Bayern numëron tashmë 6 humbje në 6 sfidat e fundit me Real Madrid. Minutat e fundit të ndeshjes ishin pa rregull, por vetëm forcë dhe dëshirë për të triumfuar.
Lexo edhe: FOTO/ Yjet e Bayern Munich shpërthejnë në lot pas eliminimit nga Real Madrid
Bayern e mbyll me kokën ulur, por në fakt gjermanët bënë një ndeshje të bukur pavarësisht gabimeve dhe një super Keylor Navas. Real pret tashmë gjysmëfinalen tjetër mes Roma dhe Liverpool.
Ndërkohë në Bernabeu të gjithë janë në ekstazë: “Jemi mbret i Europës”. ©LAPSI.al
