Ish-ministri Saimir Tahiri është pyetur në emisionin ‘Të Paekspozuarit’ nëse është edhe Edi Rama pjesë e atyre që siç tha Tahiri gjatë deklaratës për media, janë bërë të gjithë bashkë kundër tij.
“Nuk kam arsye ta mendoj që Rama është bërë bashkë me dikë kundër meje. Nuk më shqetëson edhe sikur të jetë kështu. Unë e sqarova se cilët janë ata që janë bërë bashkë kundër meje. Ka patur një aleancë që e kam quajtur ‘Fronti i së Keqes’, për të penguar punën time. Me Ramën as kam një marrëveshje dhe as më duhet. Të vërtetën time as ma blen e as ma shtet njeri, përfshi edhe Edi Ramën. Saliu, Meta dhe Luli kanë mbijetuar me marrëveshje, duke mbrojtur njëri-tjetrin. Unë nuk e di ç’bën Edi Rama dhe as më intereson”, u shpreh Tahiri.
©LAPSI.al
