Një makinë është gjetur e djegur në afërsi të fshatit Borizanë, në Fushë Krujë. Dyshohet se ka edhe një viktimë. Nga të dhënat e para mësohet se automjeti i djegur është i llojit Volkswagen turan. Policia ka nisur hetimet, ndërsa për momentin nuk ka më tepër të dhëna.
“Më datë 05.05.2018, në Derven, në fundin e një toke është djegur një mjet. Menjëherë në vendngjarje kanë shkuar uniformat blu, të cilët gjatë kqyrjes së mjetit kanë dalluar mbetje të një shtetasi të djegur, ende të paidentifikuar. Specialistët për Krimet në bashkëpunim me Prokurorinë e Rrethit Gjyqësor Krujë po punojnë për identifikimin e personit të djegur dhe zbardhjen e plotë të shkaqeve të ngjarjes”, thuhet në njoftimin paraprak të policisë.
