Policia e Elbasanit, në bashkëpunim me Prokurorinë, kanë goditur një rrjet të gjerë korrupsioni që vepronte në Universitetin e Elbasanit “Aleksandër Xhuvani”, duke filluar nga dekani i këtij institucioni. Mësohet se dekani i Fakultetit të Shkencave Humane në Universitetin "Aleksandër Xhuvani" ju merrte studentëve nga 200 euro për një provim.
Në pranga kanë rënë shtatë persona, mes të cilëve dekani Albert Riska, shefja e departamentit të Gazetarisë, Elvira Lumi, pedagogia Erjola Calja, si dhe disa sekserë. Ndërkohë po vazhdojnë hetimet për të zbuluar personat e tjerë të përfshirë në këtë rrjet korrupsioni.
Policia bën me dije se personat e arrestuar në bashkëpunim me njeri-tjetrin në kohë të ndryshme, duke shpërdoruar funksionin publik, kanë kërkuar dhe ushtruar ndikim të paligjshëm në rolin e sekserit dhe pedagogut në Universitetin “Aleksandër Xhuvani” Elbasan për marrjen e notave kaluese nga studentet gjatë sezoneve të provimeve.
Në kuadër të këtij operacioni pas një hetimi disa mujor me metoda speciale u bë e mundur arrestimi i shtetasve:
1- Albert Riska,55 vjeç, banues në Elbasan, me detyrë Dekan i Fakultetit të Shkencave Humane në Universitetin "Aleksandër Xhuvani" , Elbasan.
2- Elvira Lumi, 54 vjeçe, banues në Elbasan, me detyrë Shefe e Departamentit të Gazetarisë në Fakultetin e Shkencave Humane në Universitetin "Aleksandër Xhuvani",Elbasan.
3- Erjola Calja, 29 vjeçe, banues në Gostime Cërrik, pedagoge e jashtme në Fakultetin Ekonomik në Universitetin "Aleksandër Xhuvani" , Elbasan.
4- Petrit Kodra, 53 vjeç, banues në Elbasan, në rolin e sekserit.
5- Admirim Kala, 31 vjeç, banues në Tiranë, në rolin e sekserit.
6- Adem Ngjela, 51 vjeç, banues në Cërrik, në rolin e sekserit.
7- Marius Calja, 21 vjeç, banues në Gostime Cërrik, student.
Për këtë rast ka reaguar menjëherë pas arrestimeve rektori i Universitetit të Elbasanit “Aleksandër Xhuvani’ , i cili ka urdhëruar pezullimin e menjëhershëm nga detyra të dekanit Albert Riska, shefes së Departamentit të Gazetarisë, Elvira Lumi, dhe të pedagoges Erjola Çalja.
Nga ana tjetër, duket se dekani Albert Riska dhe shefja e departamentit, Elvira Lumi, janë mjaft të afërt me njëri-tjetrin, pasi kanë disa herë në foto së bashku.
