Pas lirimit me kusht nga Gjykata e Fierit e ish-deputetit Mark Frroku, ka reaguar Partia Demokratike. Përmes një deklarate thuhet se ky akt është prova që drejtësia ka rënë e gjitha nën kontrollin e Edi Ramës dhe kupolës së tij mafioze.
"Lirimi i Mark Frrkut, familja mafioze Xhafaj, kompromentimi i hetimeve për Saimir Tahirin, kapja e plotë e prokurorisë janë fundi i shtetit ligjor në Shqipëri. Ka ardhur koha që njerëzit e zakonshëm të këtij vendi, të cilët nuk duan të sundohen nga krimi, të marrin në dorë fatin e tyre. Ose qeveria mafioze e Edi Ramës, ose Shqipëria. Të dyja bashkë nuk mund të zgjasin më", thuhet në deklaratën e PD.
