Edi Rama mbrojti në parlament Ministrin e tij të Brendshëm, Fatmir Xhafaj me një fjalim që më shumë se sa solidaritet me Xhafajn, u karakterizua nga shpotitë për ambasadorin amerikan dhe heshtjen e ambasadës amerikane për një fakt tronditës, siç e quajti vetë Rama.
“Do kishte folur ambasadori amerikan, që nuk ka lënë gjë pa folur, por ato nuk kanë folur. Si ka mundësi ambasadori amerikan nuk ka folur për një fakt kaq tronditës sipas ktyre, po u detyrua të reagojë për një fakt tjetër për lëvizjen e Kreut të Prokurorisë së Krimeve të Rënda” u shpreh Rama me një ironi të hapur për Donald Lu, që asnjëherë nuk e ka fshehur mbështetjen dhe simpatinë e tij të pakushtëzuar për Fatmir Xhafajn.
