Greqia do të njohë patentat shqiptare. Marrëveshja u nënshkrua sot nga ministri i Jashtëm, Ditmir Bushati dhe homologu i tij grek, Nikos Kotzias, gjatë një takimi në Souni të Greqisë.
Pritet që njohja e patentave shqiptare nga autoritetet greke të lehtësojë financiarisht, por edhe mundësitë për punë të shqiptarëve që jetojnë në Greqi. Kjo, pasi prej hyrjes në fuqi të kësaj marrëveshje, shqiptarët nuk do të duhet të paguajnë nga 700 deri në 1000 euro për të marrë patentët greke, sikurse shqiptarëve do t'u lejohet të punësohen si drejtues mjetesh me të drejta të barabarta me grekët.
Pas nënshkrimit, kjo marrëveshje do ti nënshtrohet procedurave respektive për hyrjen në fuqi.
