Babai i Elenit ka rrëfyer për mediat greke vështirësitë që së bijës i janë dashur të kalojë për të mbërritur deri në këtë pikë.
Christos Foureira, në një intervistë për mediat greke, u shpreh i lumtur për arritjet e së vajzës së tij. Ai tha se gjithmonë ka pasur besim se Eleni do ia dalë dhe kështu ka rezultuar.
Por i ka mbetur një merak – mosprania e tyre pranë këngëtares. Ndonëse ajo u kishte thënë të shkonin, në të vërtetë, ajo nuk e donte këtë: “Jam shumë i lumtur për vajzën time, na bëri krenarë. Ne nuk shkuam, sepse ajo nuk donte që ne të shkonim. Na tha, por nuk donte”.
I ati shpresonte shumë që Eleni ta fitonte këtë garë, por edhe me rezultatin që arriti, ka mbetur i kënaqur. “Kam pasur gjithmonë besim te vajza ime, dëshiroj që të jetë mirë gjithmonë”, tha ai duke u ndalur edhe në vështirësitë që ka kaluar në fëmijëri familja e tyre dhe Eleni.
