Një përgjim i nxjerrë në dritë nga Partia Demokratike tregoi se edhe pas emërimit të vëllait si ministër, Agron Xhafaj vazhdon të jetë aktiv në trafikun e drogës në Shqipëri.
Bëhet fjalë për një përgjim audio, ku personi që bisedon me Agron Xhafajn prezantohet si një ish bashkëpuntor i tij në trafikun e drogës në Itali, i dënuar dhe i braktisur nga bashkëpuntorët e tij.
Në kthim, ky person që nuk identifikohet, pranon të bashkëpunojë me autoritetet dhe ka përgjuar bisedën me Agron Xhafajn, të cilit i kërkon rikthimin në tafikun e drogës.
Vëllai i ministrit duket i kujdesshëm në bisedat që bën. Kërkon që kjo të jetë hera e fundit që takohen, duke i kujtuar se vëllain po ia sulmojnë dhe po i përmendin emeirn në publik. është pikërisht ky pohim që tregon se përgjimi është kryer pas emërimit të Fatmir Xhafajt si Ministër i Brendshëm.
Gjithsesi Agron Xhafaj e drejton trafikantin, bashkëpuntor të drejtësisë tek një person tjetër, me emrin Ermal dhe nga aty, sipas PD, personi ka vazhduar normalisht me trafikun e drogës.
Video me poshtë:
https://www.youtube.com/watch?v=kYShXmpicpY&feature=youtu.be
Bashkëpunëtori X la takim me Agron Xhafajn në Vlorë nëpërmjet numrit të telefonit 0672014472, i konfirmuar se i përket vëllait të Ministrit të Brendshëm. Biseda është përgjim ambiental dhe dëgjohet vetëm bashkëpunëtori X që po flet në telefon me Agronin. Me Bashkëpunëtorin X janë në makinë edhe dy persona të tjerë, pjesëmarrës në operacion.
Nis biseda telefonike në makinë mes Bashkëpunëtorit X dhe Agron Xhafajt.
Bashkëpunëtori X - O pasha ça bën mo, si dukesh?
Agroni –
Bashkëpunëtori X - Mirë vëlla. Ti vetë?
Agroni-
Bashkëpunëtori X - Isha andej nga Toto qorri. Do të të merrja në telefon të të ftoja për drekë, por më thanë që ishe larg. Dëgjon vëlla?
Agron Xhafaj e pret bashkëpunëtorin X në një lokal që, në Vlorë njihet si lokali i vëllait të Ministrit të Brendshëm.
Bashkëpunëtori X - Ça bëre? Si ke qenë nga shtëpia ti?
Agron- Mirë o mirë, ti mirë?
Bashkëpunëtori X - Mirë.
Agron - Mirë keni qenë? Ça bëre ndonjë gjë?
Bashkëpunëtori X - Mirë
Agroni- Si ia kalove? Ça bëre ndonjë gjë të re?
Bashkëpunëtori X - Mirë vëlla mirë. Dëgjo, se për atë muhabetin që të mora në telefon, po puna është që…
Agroni- Një herë më ke marrë mua në telefon ti. Ndonjë gjë tjetër ça ke bërë?
Bashkëpunëtori X - Hiç, ja erdha për atë që të thash, për të bërë rrugën
Agroni- Dëgjo tani, ti e kupton si janë gjërat. Këta plehrat po na sulmojnë shumë ore.
Agroni- Përmend një fjali me 5-6 fjalë, por nuk kuptohet mirë.
Agroni- Do të të çoj unë te Ermali ore, është shumë im i ngushtë.
Bashkëpunëtori X - Të faleminderit shumë. Se erdha ngaqë jam keq vlla, se nuk erdha nga e mira.
Agroni- Dëgjo, hera e parë dhe e fundit dhe mos na bjer më në qafë. Se po na sulmojnë shumë ore. Shiko edhe vëllanë (Fatmir Xhafaj). Shumë fare po na e sulmojnë. Të jetë hera e parë dhe e fundit.
Bashkëpunëtori X - E mirë vlla mirë.
Agroni- Mirë pra, ndonjë gjë tjetër çar ke bërë?
Bashkëpunëtori X - Hiç asgjë.
Agroni- Na kanë nxjerrë emrin. Mos më bjer më në qafë, aman të keqen! Ata të tjerët në Itali, e shikon (thote 2-3 fjalë që nuk kuptohen, sepse fjalin njëkohësisht me Bashkëpunëtorin X).
Bashkëpunëtori X - Mirë vëlla mirë, (thotë 2-3 fjalë që nuk kuptohen) Ne duke pirë kafe jemi, s’e vrasim mendjen.
Agroni- Ndonjë gjë tjetër nga shpia?
Bashkëpunëtori X - Mirë të gjithë. Ti vetë?
Agroni- Mirë, mirë
Bashkëpunëtori X - Mirë o vlla rrofsh, faleminderit.
Agroni- Po na sulmojnë ata, keq fare.
Bashkëpunëtori X – Mirë, mirë.
Agroni- Kalofsh mirë.
Bashkëpunëtori X - Falemiderit njëherë për të gjitha. S’të nxjerr asnjë problem. Rrofsh edhe për kafen.
Agroni- Aman o të keqen vllai, hera e parë dhe e fundit, mos më bjer më në qafë.
Bashkëpunëtori X - Po ik o se s’të bije më në qafë, po kisha një problem se kam një hall edhe unë. Ta bëra si vëlla.
Agroni- Po gjërat nuk e shikon si janë?
Bashkëpunëtori X - Se e njohim njëri – tjetrin.
Agron - Ata në Itali janë zbërthyer komplet ore.
Bashkëpunëtori X - Mirë o mirë, hajde rrofsh. Flas unë me Ermalin. Pa merak.
Agroni- Te Ermali vëlla.
