Seanca e sotme për marrjen e masës së sigurisë ndaj ish-ministrit të Brendshëm Tahirit është shoqëruar me replika, pyetje dhe ironi. Për të ka mbetur në fuqi masa e sigurisë arrest shtëpie.
Ndërkohë në fjalën e tij, Saimir Tahiri ironizoi masën e dhënë. “Ju keni thënë për mua arrest shtëpiak po për mua është njësoj si arrest shtëpiak e si arrest me burg”, -tha ish ministri i Brendshëm.
Nga ana tjetër prokuroria kërkon masën arrest me burg, ndërsa këmbëngul se Tahiri është takuar Artan Habilajn, por ish-ministri e mohon. Sipas prokurorisë, ish-ministri duhet të qëndrojë në burg, pasi mund të ndikojë te dëshmitarët sikur ndodhi me Liperin.
Në një moment të tillë ish-ministri është ngritur në këmbë duke ironizuar “Meqë qenkam kaq i rrezikshëm, fusni të gjitha grupet kriminale në burg dhe faturojani Saimir Tahirit. Më vendosi në arrest në burg, pasi masa që kemi vendosur është e papërshtatshme me akuzat'”.
