Prokuroria është vënë në lëvizje lidhur me përgjimin audio të publikuar nga PD për vëllain e ministrit Fatmir Xhafaj. Mësohet se organi i akuzës i ka dërguar letër tre zyrtarëve të Partisë Demokratike; Enkelejd Alibeaj, Ervin Salianji dhe Gazmend Bardhi, për t’u paraqitur nesër në Prokurori për të dhënë dëshminë e tyre. Ky veprim i Prokurorisë vjen pas deklaratave të Ramës, i cili e cilësoi jo autentik video-përgjimin e publikuar nga PD dhe kërkoi të shkonin në burg ata që e nxorën. Mbetet për t’u parë nesër se çfarë qëndrimi do të mbajnë zyrtarët e PD-së.
©LAPSI.al
