Sali Berisha deklaroi se 27-vjeçarirom që humbi jetën në qelitë e paraburgimit në Korçë ditën e sotme është torturuar në mënyrë çnjerëzore deri në vdekje për të pranuar akuzat për vjedhje.
Sipas ish-kryeministrit, ky është një akt mizor dhe racist që dëshmon fytyrën e vërtetë të shtetit të Edi Ramës.
Nëpërmjet një postimi në Facebook, Berisha i bëri thirrje komunitetit rom dhe mbarë qytetarëve që të ngrihen për të përmbysur me revoltë të fuqishme, siç e quan ai, "këtë regjim kriminelësh të urryer".
POSTIMI:
Masakrohet barbarisht deri në vdekje nga racistët, kriminelët me uniformë babai i tre fëmijëve, Enea Ftoi!
Të dashur miq, racistët e kriminelët me uniformë kanë torturuar në mënyrë çnjerëzore dhe i kanë marrë jeten si xhelat të riut 27 vjeçar rom, prind i tre fëmijëve, në qelitë e komisariatit të Korçës.
Ai ishte futur në qelitë e Komisaritit para tre ditesh me akuzë për vjedhje dhe torturuar shtazërisht gjer në vdekje për të pranuar akuzat.
Duke shprehur ngushëllimet e mia më të sinqerta familjes së të ndjerit Enea Ftoi dhe të gjithë komunitetit rom të Korçës dhe mbarë Shqipërisë, dënoj me ashpërsinë më të madhe këtë akt mizor e raciste që dëshmon fytyrën e vertetë të narkoshtetit të Edvin Kristaq Ramës.
Me këtë rast i bëj thirrje kominitetit rom dhe mbarë qytetarëve shqiptarë të ngrihen për të përmbysur me revoltë të fuqishme këtë regjim kriminelësh të urryer! sb
