Fatmir Xhafaj nuk pati asnjë koment për akuzat e rënda që iu bënë për të vëllain nga Albert Veliu dhe as për implikimin e policëve të tij nga dëshmia e ish skafistit që pranoi se kishte qenë pjesë e një tentative për të trafikuar drogë drejt Italisë.
"Këtu jemi në vendin e task Forcës speciale atje në vendin e sajesave dixhitale, unë do të vazhdoj të punoj për Task Forcën speciale, për Prokurorinë Speciale, ata le të merren me qytetarin dixhital të sajuar, unë kam zgejdhur këtë rrugë, ata kanë zgjedhur atë rrugë" u shpreh Fatmir Xhafaj, që kishte në krah, ambasadoren gjermane, e cila vizitoi Task Forcen speciale dhe i dha mbështetje Ministrit të Brendshëm.
Në reagimin e Xhafës bie në sy përdorimi i termave të Sali Berishës, si "qytetari dixhital", megjithëse tek Albert Veliu nuk kishte asgjë dixhitale. Ish skafisti tha se vëllai i ministrit vazhdonte të komandonte trafikun e drogës në Vlorë dhe në dëshminë e tij implikoi edhe policët e Vlorës, sipas një skenari të ngjashëm me atë të Saimir Tahirit.
