Kryeministri Edi Rama ka qenë në Sofje në Samitin e Bashkimit Evropian me Ballkanin Perëndimor e me sa duket kthehet sot në mesditë.
Por, ndërkohë zyra e shtypit e Kryeministrisë ka paralajmëruar një konferencë të Ramës. Madje kjo konferencë do të mbahet në aeroportin e Rinasit pak pas mbërritjes së kryeministrit.
“Sot në orën 12:45 në Aeroportin e Rinasit -Konferencë për mediat e Kryeministrit Edi Rama”, thuhet ndër të tjera në njoftim.
Nuk dihet ende se cili do të jetë mesazhi i Ramës, por rezultatet e samitit të Sofjes si dhe akuzat në Tiranën zyrtare sigurisht që do jenë pjesë e fjalës së tij para mediave.
