Gjiri i Lalzit është një destinacion i zakonshëm për qytetarët e Tiranës. Vitet e fundit ai është kthyer në një nga plazhet më të frekuentuar nga kryeqytetasit. Dihet që në këtë zonë janë ndërtuar edhe disa resorte luksoze ku pretendohet se cilësia e ujit dhe rërës është nga më të pastrat.
Por realiteti është ndryshe nga sa paraqitet në kronikat qeveritare. Nga një vëzhgim i bërë nga lapsi.al këtë të shtunë brezi i rërës në këtë plazh është dukshëm i mbuluar nga mbeturinat. Shishe qelqi, qese, ambalazhe plastike, mbeturina dhe ujëra të ndotura është panorama që të jepte pjesa më e bukur e plazhit.
Nuk mungojnë edhe kanale të hapura që derdhin ujëra të ndotur në det. Në prag të sezonit turistik kjo është pamja që ofron Gjiri i Lalzit ku duket qartë se dora e shtetit është e pandjeshme. ©LAPSI.al
