Edi Rama sërish ka refuzuar të përgjigjet se si e bëri ai analizën shkencore të videopërgjimit, pa pasur zërin e Agron Xhafajt dhe atë të denoncuesit të tij në audio përgjim (ato i ka vetëm prokuroria).
Prej ditësh vendi është përfshirë nga një nën debat që gëlon mes debatit të madh për përgjimin e Agron Xhafajt: A e ka bërë vërtet ekspertizën kryeministri në një laborator të huaj shkencor? Ku i ka gjetur ai zërat origjinalë që i zotëron vetëm prokuroria? Po nëse i ka marrë prej saj, a mos është kjo prova më dikekte se institucioni i Arta mrkut është një shtojcë e qeverisë?
Lexo më tej:
Një rrugë për të kuptuar të vërtetën për dosjen Xhafa
Por pavarësisht nga mungesa e përgjigjeve nën presioni e intervistës në ABC, Rama ka lëshuar një frazë që për shumë specialistë të kriminalistikës mund të konsiderohet si një faull.
Rama ka pranuar se laboratori i huaj pa emër ka bërë një analizë në bazë të materialit të incizuar nga transmetimi në TV. Po a është e mundur një gjë e tillë? Deri më tani ekspertët e fushës thonë që jo. I vënë në këtë pozitë të vështirë kryeministri gjithsesi është detyruar të pranojë se gjithkush është i lirë të mos e besojë këtë "provë të pambështetur".
Përballë insistimit të gazetares Mirela Milori ai ka pranuar të thotë se në fund të fundit ky është vetëm opinion i tij. “Eshtë e kotë të insistoj në këtë, sepse në fund të fundit, kjo është fjala e një pale dhe çfarëdo detaji të jap unë, nuk përbën argument për atë që ka dyshime" Rama u përbetua se e vërteta do të dalë vetëm pasi të shprehet në një laborator shkencor i një vendi partner perendimor. Pasi tha këtë Rama hodhi dhe dorashkën e sfidës. Nëse audiopërgjimi del i vërtetë duhet rishikuar pozicioni im, por nëse del e kundërta duhet rishikuar veprimi i një strukture kriminale ndëshkimit të së cilës i duhet shkuar deri në fund.
©Lapsi.al
