Lulzim Basha përsëriti në parlament akuzat ndaj Fatmir Xhafaj dhe vëllait të tij, Agronit të dy sipas tij të përfshirë në mbulimin e skandalit që zbuloi investigimi i gazetarit Jetmir Olldashi në Vlorë.
Basha tha se vrasës të skeduar nga Vlora dhe Fushë-Kruja i ofruan 200 mijë euro familjarëve të Albert Veliut, që ai të ndryshojë dëshminë e tij.
Kreu i PD-së tha se ikja e Agron Xhafajt në Itali dhe fakti që nuk doli me zë dhe figurë të mohonet audiopërgjimin, është vetë ekspertiza e audiopërgjimit.
Basha solli në vëmëndje faktin që Fatmir Xhafajn nuk është nën hetim siç duhej të kishte ndodhur në bazë të ligjit Antimafia. Nga parlamenti, Basha solli në vëmëndje përgjigjen e tij kur u pyet nga gazetarët nëse ishte subjekt i ligjit antimafia. "Teorikisht po, praktikisht jo" ishte përgjigjia e Fatmir Xhafajt që pikërisht për të praktikuar teorinë i kërkohet dorëheqja.
