Një njoftim i prokurorisë për audio përgjimin e vëllait të ministri Fatmir Xhafaj, ka ngjallur shumë dyshime dhe pikpyetje. Ashtu sikurse kishte deklaruar edhe kryeministri, vetëm një institucion i çertifikuar dhe i besueshëm ndërkombëtar duhet të ndante të vërtetën nga gënjeshtra. Siç dihet, prej një jave palët politike janë ndarë në dysh: Qeveria Rama- Xhafa mbron tezën se biseda mes Babales dhe Agron Xhafës është një manipulim, ndërsa denoncuesit dhe PD se ajo është e vërtetë. Pikërisht këtë barrë të rëndë duhet ta ndajë prokuroria, e cila duhet të bëjë ekspertizën e materialit audio në një laborator të huaj tepër të besueshëm. Por njoftimi i sotëm i prokurorisë ku thuhet: "Janë duke u kryer veprime hetimore të gjithanshme brenda dhe jashtë vendit. Po kështu është dërguar për ekspertim materiali i videopërgjimit në laboratorë ndërkombëtarë jashtë vendit", ka ngjallur shumë dyshime.
Njësoj si në fjalimet politike të Ramës, nuk jepet informacion për laboratorët që kanë kontaktuar dhe as për kapacitetet që ata kanë. E çuditshme është se këto mungesa janë kërkuar të mbushen me shprehje të tilla si fakti që këtë laboratorë janë edhe "ndërkombëtarë" edhe "jashtë vendit" (që në fakt është e njëjta gjë.)
Lexo më tej:
Një rrugë për të kuptuar të vërtetën për dosjen Xhafa
Në rastin e përgjimit të vëllait të ministrit të Brendshëm, barra e provës për të vërtetuar autenticitetin i bie palës qeveritare, e cila menjëherë mbrojti tezën e manipulimit. Nëse për një arsye apo për një tjetër, nuk del qartazi dhe besueshëm se ai përgjim rezulton një manipulim, të gjitha akuzat për vëllain e ministrit të Brendshëm bëhen të besueshme dhe del se Edi Rama ka gënjyer edhe njëherë më tepër si për avionët e drogës, si për Elvis Roshin, si për Dritan Zaganin, si për Saimir Tahirin. Prandaj palës në pushtet i duhet një dokument që t'i vërë kapak të gjitha diskutimeve. Mënyra se si ka reaguar prokuroria, vetëm sa shton dyshimet tani për tani.
©Lapsi.al
Lexo më tej:
Pro dhe kundër/ Të gjitha pikëpyetjet për vërtetësinë e përgjimit të Agron Xhafajt
Pesë minutat e Babales në lokalin e Xhafajt, rrëfimet për momentin e përgjimit
