Partia Demokratike ka reaguar për videon e publikuar nga Report Tv, ku pretendohet qe Bledi Kasmi, nuk është goditur prej policisë, por ai është qëlluar me gur nga turma.
“Kjo është video, e shpërndarë nga Report tv me mashtrimin se Bledi Kasmi është qëlluar me gurë nga protestuesit. Ne e ngadalesuam të njejtën video ku është bazuar mashtrimi dhe sendi që Report tv e quan gur janë syzet e Bledi Kasmit që i fluturojnë nga koka, pasi ai goditet me shkop gome. PD kërkon përgënjeshtrim nga Report TV dhe mediat që pasqyruan këtë mashtrim”, thuhet në deklaratën e PD.
Më herët selia blu është shprehur se kryeredaktori i Rilindjes Demokratike në momentin kur u godit nga policia, ishte duke raportuar si gazetar. Më poshtë video e ngadalësuar nga PD.
[video width="848" height="480" mp4="https://cdnimpuls.com/lapsi.al/wp-content/uploads/2018/05/WhatsApp-Video-2018-05-26-at-15.28.10.mp4"][/video]
