Pas dy vitesh që nuk dilte në televizion, Fabrizio Corona është rikthyer sërish dhe ka dhënë një intervistë të gjatë për emisionin “Verissimo”. Ai ka folur për periudhën e vështirë që ka kaluar në burg dhe për jetën e tij private. Para disa javësh, ai u fotografua duke hyrë në një hotel me ish-in e tij, Belen Rodriguez, por të dy u shprehën se nuk ekziston një lidhje dashurie mes tyre, por një raport shumë i mirë miqësor.Corona është shprehur për “Verissimo” se nuk mund t`i harrojë sakrificat që e dashura e tij aktuale, Silvia Provvedi, ka bërë për të: “Ndjenja për Silvia-n është diçka që nuk e kam ndjerë kurrë dhe nuk di ta përshkruaj. E kam takuar në një periudhë shumë të vështirë. Ajo që Silvia ka bërë për mua është e papërshkrueshme. I besova gjithçka që kisha: shtëpinë, paratë, avokatët. Ajo ka bërë që në burg mos të më mungonte asgjë dhe më ka shkruar 4 letra në javë. E gjithë bota nuk ekzistonte më, kisha vetëm atë. Kur kam dalë nga burgu nuk isha mirë, isha si i çmendur. Jam akoma i dashuruar me të, por e kam zhgënjyer, pasi priste shumë nga unë. Po mundohem ta rifitoj.”
Por Fabrizo ka folur edhe për historitë e së shkuarës: “Historia me Belen është më e rëndësishmja e jetës time, më shumë se martesa e mëparshme. E kam takuar para pak kohësh dhe m`u duk më e pjekur, tani i kemi ndërprerë kontaktet, por na lidh një ndjenjë e veçantë miqësie.”
Ai ka shtuar se dashuria me Belen ishte rrezik dhe çmenduri, kurse me Silvia-n është një lidhje e pjekur, me këmbë në tokë dhe po bën çdo gjë për ta rifituar.
