Pas një periudhe të errët, Lady Gaga është rikthyer. Muaj më parë, prej një fibromialgjie që i kishte shkaktuar dhembje të forta, ylli i muzikës botërore u detyrua të anulonte koncertet në Europë, pjesë e turneut “Joanne World Tour”.
Tani, artistja me sa duket i ka kaluar problemet shëndetësore dhe është gati për t’u rikthyer.
Lady Gaga u fotografua në New York pas daljes nga “Electric Lady Studio”, ku u rrethua nga shumë fansa.
Gaga ishte në studio për të punuar për kolonën zanore të “A Star Is Born”, film ku Germanotta është protagoniste përkrah Bradley Cooper.
