Edi Rama është tallur me lajmin që doli në media se Lulzim Basha është nën përgjim nga policia. Fillimisht lajmi doli në gazetën Panorama dhe u mbështet nga një deklaratë e Edmond Spahos në selinë e Partisë Demokratike. Policia e përgënjeshtroi këtë lajm si një spekullim të qëllimshëm dhe kryeministri Rama është tallur nga Facebook duke i bashkëngjitur fjalëve nofkën e skafistit Albert Veliu, i njohur ndryshe si "Babalja".
"Babalepartitë e babaleopozitës kanë shpikur sot një përgjim të Policisë së Shtetit për babalekryetarin e Partisë Babalokratike. Shpejt do të dalë e vërteta e babalepërgjimit të shpikur dje për ministrin e ndërkohë le të qeshim me babalepërgjimin e shpikur sot për Lulëzimin" shkruan Rama në Facebook.
