Ministri i Financave dhe Ekonomisë Arben Ahmetaj ka njoftuar shkarkimin e 13 inspektorëve të Sigurimeve Shoqërore dhe një drejtuesi dege. Ky vendim u mor për shkak të performancës së tyre të dobët në mbledhjen e kontributeve.
“Kemi vendosur objektiva të matshëm performance për cdo inspektor. Cdo muaj do të largohen nga puna inspektorët me performancën më të ulet. Zinxhiri i përgjegjësive nga drejtorët rajonalë deri tek inspektorët në terren. ISSH duhet të kthehet në një institucion që arkëton të ardhura në favor të buxhetit të shtetit. Rritja e performancës, do zbatojmë metodologji të re pune. Ndërlidhje online me sistemin e tatimeve për kontribute”, shtoi ministri gjatë takimit me drejtoritë e Sigurimeve Shoqërore që u zhvillua sot në Tiranë.
