"Akt i tradhtisë kombëtare" e ka quajtur Sali Berisha atë që po ndodh me negociatat për marrëveshjen me detin me Greqinë, duke zbuluar edhe presionin që kanë disa prej negociatorëve për të pranuar imponimin e grekëve. Berisha deklaroi para gazetarëve se disa anëtarë të delegacionit kanë shkruar letra për Ramën dhe Bushatin duke i informuar për atë që po ndodh, por në këmbim kanë marrë kërcënime për largime nga puna.
Sipas Berishë, delegacioni i palës shqiptare po udhëhiqet nga Armand Skapi dhe Artur Meçollari, që kanë marrë përsipër të pranojnë të firmosin procesverbale të falsifikuara për bisedat që janë bërë në negociata. Berisha tha se grekët i janë imponuar palës shqiptare duke hequr nga marrëveshja fjalën "ekite", një nga parimet që theksohet fort në vendimin e Gjykatës Kushtetuese për detin.
Pikë tjetër e imponimit të Greqisë është edhe çështja e ishullit grek Otonoi, që sipas Berishës "merr fuqi të plotë si për ujërat territoriale, ashtu edhe për zonën ekonomike. Ai ishull që bëhej gjithë zhurma, pala greke bën të ditur se ishulli ka të gjithë fuqinë, njësoj si Korfuzi le të themi"
Berisha tha se deklarata e ministrit grek Kamenos, një ministër i emëruar nga ekstremi grek, duhet lexuar me kujdes dhe është pasojë direkte e nënshtrimit të palës shqiptare në negociatat që po bëhen me Greqinë. Video më poshtë:
